Tregu i Kosovës paraqet një strukturë të veçantë, ku brendet globale bashkëjetojnë me brende vendor jashtëzakonisht të forta dhe disa brende rajonale.

Valicon ka realizuar një hulumtim mbi preferencat e klientëve për brendet rajonale dhe vendore, ku  renditja për Top Brands 2025 bazohet në Fuqinë e Markës (Brand Strength), një vlerësim i përbërë që përfshin njohjen, konsiderimin, përvojën, përdorimin dhe perceptimin e pazëvendësueshmërisë, duke matur fuqinë e brendit. 

Liderët (Top 10 & Top 25): Në krye të listës renditet Multisola, një pije me vitamina nga Sllovenia, e cila qëndron në pozitë dominuese. Menjëherë pas saj vjen brendi vendor Golden Eagle, një pije energjike që tejkalon disa konkurrentë të mëdhenj globalë në këtë treg specifik.

Top 10 plotësohet nga një kombinim i produkteve bazë ushqimore dhe ikonave globale: Divella  (pasta italiane), Qumështi Vita(brend i fuqishëm vendor në kategorinë e bylmetit), Argeta, Ariel, Vipa Chips (një tjetër lider vendor), Prince Caffe, Vegeta dhe Milka.

Brendet vendore

Rritja e brendeve vendore: Ndryshe nga disa tregje të tjera rajonale që dominohen kryesisht nga brende të trashëguara nga ish-Jugosllavia, Kosova tregon një preferencë të lartë për prodhimin vendor. Brende si Golden Eagle (pije energjike), Vita (produkte bylmeti), Vipa Chips (mesvakte) dhe Rugove (ujë/djathë) nuk janë thjesht të pranishme, ato janë liderë tregu dhe shpesh renditen më lart se konkurrentët globale të së njëjtës industri.

Qëndrueshmëria e brendeve

Mesvakte dhe pije: Këto kategori tregojnë qëndrueshmëri shumë të lartë. Renditja e pijeve energjike (Golden Eagle) dhe çipsave (Vipa Chips) në lisën e top brendeve tregon një bazë konsumatorësh të orientuar drejt konsumit impulsiv dhe stilit të jetesës.

Produktet e qumështit: Kjo kategori përfaqëson një forcë për brendet vendore. Pozita e lartë e qumështit Vita konfirmon se në kategoritë e produkteve të freskëta dhe të konsumit të përditshëm, besimi në prodhimet vendore është vendimtar. 

Ushqimet bazë: Produktet italiane si Divella kanë një status jashtë zakonisht të lartë si produkte “të domosdoshme”, duke u renditur në vendin e tretë në përgjithësi, një karakteristikë dalluese e tregut kosovar krahasuar me vendet fqinje. Origjina e brendeve: Tregu paraqet një ekuilibër mes brendeve Vendore (Kosovë), rajonale (Slloveni/Kroaci) dhe globale (Itali/SHBA), dhe në përgjithësi ky hulumtim tregon se sa konkurrues janë brendet vendore me ato rajonale në tregun e Kosovës.

Rreth VALICON

VALICON është një nga kompanitë lidere për hulumtimin e tregut dhe konsulencën me mbi 25 vjet përvojë në rajonin e Adriatikut. Ajo është kompania më e madhe e pavarur e hulumtimit të tregut në rajon dhe një partner i besueshëm për shumë nga kompanitë lokale dhe ndërkombëtare më të suksesshme.

Më shumë informacion:
Valicon d.o.o.
T. +383 45 540 708
E: [email protected]
W. www.valicon.net
Linkedin: Valicon