Dëshironi të zbuloni potencialin e plotë të kategorisë suaj të produktit ose shërbimit?

ConceptICON shkon thellë në kuptimin e trendeve të tregut, vetë kategorisë dhe atyre nevojave të fshehura që presin të zbulohen. Ju ndihmon të identifikoni mundësitë e pashfrytëzuara, të formësoni konceptin e një produkti ose shërbimi të ri, dhe madje të përsosni idetë ekzistuese duke bashkëpunuar drejtpërdrejt me konsumatorët tuaj.

Kërkimi juaj me ConceptICON fillon duke zgjedhur njërin prej moduleve që i përshtatet më së miri nevojave tuaja:

MODULI BAZË - Zgjedhja ideale kur tashmë keni të dhëna mbi trendet, kategorinë dhe konsumatorët, si dhe koncepte të reja produkti ose shërbimi gati për vlerësim.

MODULI I ZGJERUAR - I përsosur kur keni një ide bazë, por keni nevojë ta pasuroni me njohuri nga konsumatorët ose ta zhvilloni në një koncept të plotë.

MODULI I AVANCUAR - Për ata që nisin nga fillimi, pa të dhëna ekzistuese mbi trendet, kategorinë, nevojat e konsumatorëve, apo edhe pa një ide bazë produkti. 

Çfarë mund të prisni:

• Analizë sekondare e të dhënave: një pasqyrë e plotë e kategorisë (Moduli i Avancuar).
• Punëtori me konsumatorë: kuptimi i kategorisë (Moduli i Zgjeruar dhe i Avancuar).
• Punëtori e brendshme: dizajnimi i konceptit (Moduli i Zgjeruar dhe i Avancuar).
• Punëtori me konsumatorë: vlerësimi dhe përsosja e konceptit (Të tre modulet)

Mos supozoni më për mënyrën si konsumatorët e perceptojnë produktin tuaj. Filloni ta dini atë.
Testimi i produkteve i ofron biznesit tuaj njohuritë kritike për të optimizuar veçoritë e produktit, për të garantuar cilësinë e tij dhe për të rritur shanset për sukses në treg. Ne ju ndihmojmë të kuptoni saktësisht se si audienca juaj e synuar e përjeton dhe e percepton produktin – qoftë ai krejt i ri apo tashmë prezent në treg. Duke vëzhguar përdorimin real dhe duke mbledhur komente nga konsumatorët, ju mund të:

• Vlerësoni karakteristikat kryesore shqisore (aromë, shije, pamje).
• Identifikoni pikat e forta dhe të dobëta të produktit.
• Matni nivelin e përgjithshëm të kënaqshmërisë dhe të parashikoni synimin për blerje.
• Zbuloni elementët kritikë që mund të shkaktojnë pakënaqësi.
• Merrni rekomandime të qarta, të bazuara në të dhëna, për optimizim.

Qasja jonë është ndërtuar për qartësi dhe ndikim, duke shkuar përtej feedback-ut standard. Analiza jonë gjithëpërfshirëse përfshin mjete të fuqishme si Analiza e Penaliteteve, që ndihmon të identifikohen përmirësimet me ndikim të madh dhe uljet e kostove me rrezik të ulët. Gjithashtu, ne masim Synimin për Blerje që në fazën e konceptit, duke siguruar që çdo vendim i marrë të jetë një investim i mençur në të ardhmen e produktit tuaj.

A keni menduar ndonjëherë pse disa klientë ndërrrojnë brendin për një ulje prej vetëm 10%, ndërsa të tjerë mbesin besnikë edhe pas një rritjeje të konsiderueshme të çmimit? Përgjigjja qëndron tek ndjeshmëria ndaj çmimit.

Analiza jonë e Ndjeshmërisë ndaj Çmimit, e cila shpesh pason testimin e produkteve dhe koncepteve, ju ndihmon të gjeni pikën optimale të çmimit që maksimizon të ardhurat dhe fitimin pa larguar klientët tuaj.

Duke analizuar komentet reale nga konsumatorët, ne përcaktojmë pozicionin e produktit tuaj përmes katër pragjeve kyçe:

• Shumë i shtrenjtë: Çmimi ku konsumatorët refuzojnë ta blejnë, duke e konsideruar tepër të shtrenjtë.
• Shumë i lirë: Çmimi ku konsumatorët fillojnë të dyshojnë në cilësinë e produktit.
• I shtrenjtë (por i pranueshëm): Çmimi më i lartë i pranueshëm, që perceptohet si i lartë por që klientët janë ende të gatshëm ta paguajnë
• Ofertë e mirë / Vlerë e mirë: Çmimi që konsumatorët e perceptojnë si vlerën më të mirë për paratë e tyre.

Këto njohuri ju mundësojnë të ndërtoni një strategji çmimi të bazuar në perceptimet reale të konsumatorëve, jo vetëm në supozime.

Zbuloni saktësisht se sa janë të gatshëm të paguajnë klientët tuaj për vlerën që ofroni. Mos u mendoni më nëse po e shisni shumë lirë, apo shumë shtrenjtë duke ulur kërkesën.

Duke përcaktuar pozicionin tuaj ideal të çmimit në krahasim me konkurrencën, ju fitoni një avantazh strategjik të domosdoshëm – sidomos në kohë të pasigurta, kur konkurrentët ulin agresivisht çmimet ose kur po lansoni një produkt të ri në një treg të ri.

Për më shumë se një dekadë, Brand Track ka qenë një nga metodologjitë më të konsoliduara dhe më të përdorura të Valicon. Ky mjet për njohjen e brendit është përsosur deri në atë pikë sa shpesh shërben si pika fillestare dhe si vlerësimi përfundimtar në ciklin e projekteve të klientëve tanë. Fillimisht, ai mat statusin aktual të një brendi dhe përcakton drejtimet strategjike të mundshme; më pas, vlerëson efektivitetin e aktiviteteve të ndërmarra.

Brand Track është si një dritare sa i pëerket pulsit të brendit tuaj, shikuar përmes syve të konsumatorëve. Është një qasje e thjeshtë dhe e drejtpërdrejtë për të kuptuar pse një brend lidhet me përdoruesit finalë. Duke përdorur një model praktik shumë-nivelësh – nga vetëdija “top-of-mind” dhe kujtimi spontan, te përdorimi, kënaqësia dhe besnikëria – Brand Track analizon fuqinë e brendit dhe ju ndihmon të identifikoni avantazhet tuaja konkurruese.

Vlerësimet tona të brendit në 4 dimensione bazohen në një prizëm të personalizuar, i frymëzuar nga modeli me 9 dimensione i Kapfer-it për imazhin e brendit. Ne besojmë se të kuptuarit e një brendi nuk ka të bëjë me kompleksitetin, por me qartësinë dhe ndikimin real.

Kjo qasje e gjithanshme aplikohet në shumë industri, me përshtatje specifike për sektorë si: FMCG, Telekomunikacion, Shitje me Pakicë, Financa dhe industrinë e shërbimeve në përgjithësi.

Çfarë mund të prisni:

• Një pasqyrë e qartë e fuqisë së brendit tuaj, e strukturuar në piramida të brendit, duke përfshirë normat e konvertimit mes niveleve për të identifikuar zonat për veprime strategjike.
• Një përkufizim i qartë i fazës së ciklit të jetës së brendit tuaj, i matur përmes “brand momentum”, për të kuptuar drejtimin aktual (rritje, stagnim ose rënie).
• Një vlerësim i ndikimit që kanë aktivitetet tuaja të marketingut – dhe ato të konkurrentëve – në perceptimin e përgjithshëm të brendit.
• Njohuri për strategjitë dhe aktivitetet kyçe të brendeve konkurrente në industrinë tuaj.
• Identifikim i qartë i kërcënimeve dhe mundësive të tregut për brendin tuaj.
• Të dhëna të bazuara në fakte që theksojnë rëndësinë e konsistencës në aktivitetet e marketingut tuaj.

A janë reklamat tuaja duke arritur vërtet objektivin? A po lidhen ato me audiencën tuaj ashtu siç keni shpresuar? Këtu jemi ne.

Me Ad.Diagnosticon, ne thjeshtojmë kompleksitetin e reklamimit për t’ju ofruar njohuri të qarta dhe të zbatueshme, që ju ndihmojnë të kuptoni çfarë funksionon dhe çfarë jo. Sa i përket reklamës suaj, ne analizojmë komponentët racionalë, emocionalë dhe të sjelljes, së bashku me tregues kyç si dukshmëria e brendit dhe përshtatja me të.

Qasja jonë inovative mbështetet në psikologjinë e emocioneve, psikologjinë perceptuese dhe njohuritë më të fundit nga neuromarketingu, duke ju ofruar një kuptim të plotë të ndikimit të reklamës tuaj.

Ad.Diagnosticon mundëson krahasim për treguesit kyç të suksesit, duke u mbështetur në një bazë të dhënash me mbi 220 reklama të testuara në Slloveni dhe rajon. Kriteret e krahasimit përcaktohen në bashkëpunim me ju, në një ose më shumë nivele p.sh., sipas lokacionit gjeografik, në raport me reklamën më të suksesshme në kategori, etj.

Çfarë mund të prisni:

• Njohuri nëse reklamat tuaja arrijnë performancë të mjaftueshme në aspektin racional, emocional dhe të sjelljes.
• Informacion nëse ato janë më të suksesshme se reklamat e konkurrencës.
• Një analizë të detajuar të reagimeve të konsumatorëve ndaj fushatës, të matura sipas treguesve kryesorë të efektivitetit të reklamimit.

A keni dashur ndonjëherë të shihni brenda mendjes së njerëzve për të kuptuar si ndihen me të vërtetë për reklamat tuaja?

Me Neuromarketing ju mund ta bëni pikërisht këtë. Ne përdorim teknologji të avancuara, si EEG dhe gjurmimi i syve, për të kuptuar reagimet e tyre të pavetëdijshme. Kjo na lejon të mbledhim njohuri të vërteta pa pasur nevojë për hamendësime. Ne mund t’ju tregojmë saktësisht se si po reagon audienca juaj ndaj reklamave tuaja, në kohë reale.

Në analizën tonë të Neuromarketingut, ne masim tregues kyç si: emocionet (valenca emocionale), vëmendjen mendore, vëmendjen vizuale dhe ngarkesën kognitive në kohë reale. Performanca e reklamës suaj krahasohet me një bazë të dhënash me mbi 1,000 reklama të analizuara përmes neuromarketingut në rajon – përfshirë reklamat e konkurrencës dhe fushatat tuaja të mëparshme. Përveç ofrimit të reagimeve të pavetëdijshme në detaje, sekondë pas sekonde, ne përfshijmë edhe reagimet e vetëdijshme të konsumatorëve për të krijuar një pasqyrë të plotë.

Predictive Targeting është një zgjidhje që realizohet në partneritet me kompaninë e reklamimit online iPROM. Ajo kombinon ekspertizën më të mirë të hulumtimit dhe komunikimit, duke ju mundësuar të targetoni saktë segmentet e tregut që përcaktoni së bashku me ne.

Keni nevojë të identifikoni audiencën tuaj të synuar dhe ta arrini online? Predictive Targeting është një mjet i fuqishëm që përdor të dhëna historike dhe të dhëna në kohë reale për të krijuar modele parashikuese të audiencës tuaj. Duke analizuar trendet e të dhënave, ne ju ndihmojmë të parashikoni nevojat e klientëve, të përsosni komunikimin dhe të nxirrni maksimumin nga përpjekjet tuaja të marketingut.

Kjo qasje ka të bëjë me ndërveprime të personalizuara, kthim më të lartë të investimit (ROI) dhe ndërtimin e marrëdhënieve afatgjata me audiencën tuaj online. Kur është e nevojshme, mund të përdoren edhe kanale offline si media mbështetëse për të siguruar mbulim të plotë të grupit kryesor që synoni. Çdo projekt përfundon me një analizë të detajuar të ROI, e cila shërben për të udhëhequr dhe optimizuar fushatat tuaja të ardhshme. Filozofia jonë është e thjeshtë: e bëjmë strategjinë tuaj të reklamimit të funksionojë më mençur, jo më vështirë.

Çfarë mund të prisni:

• 90% saktësi e garantuar në targetim brenda mjedisit digjital.
• Minimumi 30% kursim në buxhetin tuaj të mediave, falë parimit tonë “digital-first”.
• Deri në 50% kursim në buxhetin total të marketingut kur përdoret vetëm reklamimi digjital.
• Opsion për analizë biometrike të materialeve krijuese për të optimizuar ndikimin e tyre.
• Një vlerësim të plotë pas fushatës, me rekomandime praktike për përdorim të ardhshëm.

Klientët ndërveprojnë me kompaninë tuaj në pika të ndryshme kontakti, kanale dhe faza të blerjes. Çdo ndërveprim krijon një përvojë. Ju nuk mund të lejoni që një përvojë negative, sado e vogël, të kthehet në perceptim negativ për të gjithë kompaninë vetëm sepse nuk keni i keni kushtuar vëmendje.

Në vend të kësaj, shndërroni feedback-un e klientëve tuaj në një avantazh strategjik me sistemin tonë të automatizuar për matjen e kënaqësisë. Monitoroni përgjigjet në kohë reale, analizoni treguesit kryesorë të performancës dhe trendet çdo ditë, dhe reagoni shpejt e saktë. 

Të kuptuarit dhe përmirësimi i marrëdhënies mes kompanisë suaj dhe klientëve është në zemër të Valicon Satisfaction (CSI). Modeli ynë gjithëpërfshirës përdor tregues kyç për të gjurmuar reagimet, matur kënaqësinë dhe vlerësuar qëndrimet.

Duke monitoruar dhe analizuar vazhdimisht treguesit e mëposhtëm, ju ndihmojmë të identifikoni fushat ku pritjet nuk janë përmbushur, të kuptoni faktorët më ndikues në kënaqësi dhe të merrni vendime të informuara për të përmirësuar përvojën e klientit:

• Customer Satisfaction Index (CSI): Kryen hulumtime sasiore përmes anketave për të matur nivelin e përgjithshëm të kënaqësisë. 
• Critical Incident Technique  (CIT): Analizon në mënyrë cilësore ngjarjet jo të zakonshme që mund të ndikojnë te besnikëria.
• Net Promoter Score (NPS): Mat besnikërinë e klientëve duke vlerësuar gjasat që ata të rekomandojnë brendin tuaj.
• Customer Effort Score (CES): Vlerëson lehtësinë e përvojës së klientit duke matur përpjekjen që kërkohet për të ndërvepruar me produktin ose shërbimin tuaj. 

Në Valicon, ne u mundësojmë kompanive të kapërcejnë hendekun midis pritjeve të klientëve dhe përvojave reale, duke siguruar sukses në përmbushjen e nevojave të klientëve.

Hulumtimet tona mbi kënaqësinë e klientëve jo vetëm që tregojnë fushat ku pritjet nuk janë përmbushur, por edhe identifikojnë faktorët kyç që ndikojnë në kënaqësi.

Shopper’s Mind Retail Report is the ultimate insight into online shopping.
Dëshironi të dini pse klientët zgjedhin një dyqan ndaj një tjetri ose si ndryshojnë modelet e tyre të blerjes në një treg dinamik? Kërkoni mënyra për t’i tërhequr, fituar dhe mbajtur ata? Ne kemi zgjidhjen.

Shopper’s Mind Retail is a research initiative powered by our platform for consumer insight. We dig into consumption patterns, habits and emerging trends. Research focuses on retail brand strength, perception, relevance and availability. We provide comprehensive end-consumer insight into consumer shopping habits and the broader market environment. And this isn’t a one-time snapshot—we continuously monitor these metrics throughout the year to give you an ongoing perspective on key trends and indicators.

Shopper’s Mind Retail is your go-to service if you want to understand market trends and gain deep insights into the competitiveness of retail chains, their brand image, availability, and popularity, all from the consumer’s perspective.

All Finance Banks është një platformë gjithëpërfshirëse për të fituar njohuri dhe identifikuar trendet në sektorin bankar.

Po kërkoni këndvështrimin e konsumatorit dhe trendet në bankat me pakicë? Nuk keni nevojë të kërkoni më tej. All Finance shkon përtej statistikave të thjeshta duke ofruar njohuri të thelluara mbi fuqinë e markës, përvojën e klientit, besimin, besnikërinë dhe përdorimin e produkteve e shërbimeve financiare. Ne ju ndihmojmë të navigoni në një treg shumë konkurrues dhe të rregulluar.

Për këtë zgjidhje, përdorim një nëngrup të dedikuar brenda panelit online të Valicon, me mbi 30,000 konsumatorë nga rajoni i Adriatikut që ndajnë opinionet dhe përvojat e tyre me sektorin bankar. Ne kryejmë monitorime periodike (zakonisht një herë në vit, në tremujorin e parë) të zakoneve bankare, ndërsa platforma jonë zbulon automatikisht ndryshimet në profilet bankare të panelistëve, p.sh. kur ata ndryshojnë bankën kryesore. Kur zbulohet një ndryshim, dërgohen automatikisht pyetësorë shtesë për udhëtimin e klientit.

Me madhësinë e madhe të mostrës, ne nuk e prekim vetëm sipërfaqen — ne shkojmë më thellë për të dhënë një kuptim të hollësishëm të drejtimit të tregut. Kjo përfshin njohuri mbi mikro-segmente dhe një analizë të qartë të modeleve të migrimit të klientëve.

Çfarë mund të prisni:

• Monitorim të vazhdueshëm të një mostre të madhe e përfaqësuese për të identifikuar ndryshimet kryesore në treg dhe trendet afatgjata.
• Njohuri mbi grupe më të vogla të synuara (të dobishme për bankat me pjesë më të vogël tregu).
• Kuptim të mikro-grupeve të synuara, përfshirë klientët me potencial të lartë dhe ata që po shfaqen si segmente të reja.
• Përshkrim të grupeve të synuara si kandidatët kryesorë për t’u bërë klientët e rinj të bankës suaj.
• Tregues të verifikuar me përditësime të rregullta.
• Njohuri të hollësishme mbi udhëtimin e klientit, duke përfshirë faktorët kyç që i shtyjnë konsumatorët të ndërrojnë bankë.

All Finance është mjeti themelor për njohuri mbi trendet e tregut, i përdorur nga të gjitha bankat kryesore në rajon. Ai u mundëson atyre të monitorojnë ndryshimet strukturore në treg, të vlerësojnë aktivitetet e tyre dhe të konkurrentëve, si dhe të përsosin strategjinë e marketingut. 

All Insurance është një zgjidhje e gjithanshme hulumtuese që ofron njohuri mbi tregun e sigurimeve në Slloveni, Kroaci dhe Bosnje e Hercegovinë nga perspektiva e konsumatorëve (të siguruarve) në të gjitha kategoritë kryesore të sigurimeve.

Ajo bazohet në monitorimin e vazhdueshëm të përdorimit të sigurimeve nga individët, karakteristikave të policave, çmimeve dhe qëndrimeve ndaj markave. Përfshin të gjithë treguesit tradicionalë kryesorë si forca e markës, NPS, besimi dhe segmentimi sipas besnikërisë së klientëve. Hulumtimi realizohet përmes panelit tonë inovativ online, ku marrin pjesë mbi 20,000 konsumatorë aktivë.

Duke qenë se angazhimi ynë është afatgjatë, ne e ndjekim vazhdimisht pulsin e tregut të sigurimeve, duke monitoruar ndryshime si migrimet dhe lëvizjet mes kompanive të sigurimeve. Me një mostër të madhe, njohuri të përditësuara të industrisë dhe analizën e modelit të kanaleve të blerjes, ne shkojmë deri te mikro-segmentet për të ofruar njohuri praktike mbi tregun e sigurimeve që kanë ndikim të drejtpërdrejtë te ju.

Përfitimet kryesore për ju:

• Mbledhje të dhënash nga një mostër e madhe me monitorim të vazhdueshëm të të njëjtëve individë dhe zbulimin e ndryshimeve me kalimin e kohës.
• Njohuri të thelluara për grupe të vogla të synuara (të dobishme për kompanitë e sigurimeve me pjesë më të vogël tregu).
• Kuptim i mikro-segmenteve, që ju lejon të identifikoni dhe synoni grupe klientësh me potencial të lartë ose të nënpërfaqësuar.
• Identifikim dhe përshkrim të grupeve të synuara si kandidatët kryesorë për t’u bërë klientët tuaj të rinj.
• Tregues të verifikuar me përditësime të rregullta.
• Njohuri të hollësishme mbi udhëtimin e klientit, duke zbuluar faktorët dhe pikat kyçe që çojnë drejt blerjes së një police sigurimi.

A jeni një brend i shitjeve online (e-commerce) apo zinxhir tregtar që kërkon mënyra për të tërhequr, fituar dhe mbajtur klientë?Nëse përgjigjja është PO, Shopper’s Mind eCommerce Report është zgjidhja ideale për ju. Qasja jonë e standardizuar ofron reagime sistematike drejtpërdrejt nga tregu, duke u dhënë tregtarëve online dhe bizneseve të tjera e-commerce fuqinë për të qëndruar përpara trendeve dhe për të zbuluar mundësi përmirësimi.

Ajo që na dallon është krahasueshmëria e drejtpërdrejtë e treguesve të standardizuar ndër kohë dhe rajone, duke ofruar njohuri të vlefshme mbi sjelljen e konsumatorëve. Ndërsa tregtarët online kanë qasje në të dhëna shitjesh, raportet Shopper’s Mind shkojnë përtej tyre, duke ofruar një zhytje të thellë në mendjen dhe përvojat e konsumatorëve për të kuptuar zakonet e tyre të blerjes dhe faktorët kryesorë për sukses afatgjatë.

Shërbimi ynë është i specializuar në hulumtime të detajuara për të ofruar një pasqyrë gjithëpërfshirëse të tregut të e-commerce në Slloveni, Kroaci, Bosnje e Hercegovinë dhe Serbi.

Çfarë mund të prisni:

Ekzistojnë dy lloje raportesh: Market Overview Report dhe Target Group Insight Report (me kërkesë specifike).

Market Overview Report përfshin:

• Penetrimin dhe frekuencën e blerjeve online, sipas segmenteve të moshës.
• Trendet e metodave të pagesës dhe shpërndarjes, të ndara sipas moshës.
• Pasqyrë dhe trende të kategorive të blera, sipas blerjeve në dyqane vendore apo të huaja.
• Kanale informimi dhe blerjeje.
• Analizë të thelluar të udhëtimit të klientit sipas segmenteve demografike dhe kategorive të blerjeve.

Target Group Insight Report përfshin:

• Profilin e klientit:: demografi.
• Profilin e blerjeve me elementët kryesorë: kategoria e blerë, metoda e pagesës, lloji i shpërndarjes, vlera e blerjes, koha e dorëzimit.
• Indeksin e marrëdhënieve:vlerësim i qëndrimit të konsumatorit ndaj markës suaj, përfshirë NPS dhe kënaqësinë e përgjithshme.
• Përvojën e klientit:: kënaqësia dhe rëndësia e elementeve.
• Udhëtimin e klientit në tre faza: stimulimi, kërkimi (informacioni para blerjes) dhe motivatorët finalë të vendimit të blerjes.
• Pajisjet e përdorura për kërkimin dhe blerjen.

VIP - Valicon Insight Platform është një analizë e thelluar e zakoneve dhe sjelljeve të konsumatorëve, që ofron klientëve perspektiva të vlefshme mbi grupe të caktuara target. Duke u bazuar në të dhënat e mbledhura nga mbi 6,000 anëtarë të panelit online Valicon, ne ofrojmë profile të detajuara mbi zakonet mediatike, përdorimin e rrjeteve sociale dhe të telefonëve të mençur, aktivitetet e kohës së lirë dhe vlerat kryesore të jetës.

Këto profile, në thelb, tregojnë historinë e konsumatorëve tuaj aktualë dhe potencialë. Duke kuptuar sjelljen e konsumatorit në mënyrë sistematike, Valicon Insight Platform shërben si një mjet i vlefshëm për zhvillimin e planeve mediatike efektive, formësimin e strategjive të marketingut, përshtatjen e produkteve me nevojat e grupeve target dhe fitimin e një avantazhi konkurrues në një treg dinamik.

Profilet që mund t’ju ofrojmë:

• Profili mediatik:Një kuptim i plotë mbi zakonet e audiencës në media – platformat video dhe audio, preferencat televizive, zhanret e përmbajtjes dhe lexueshmërinë e shtypit – për ndërtimin e strategjive të sakta mediatike.
• Profili i Rrjeteve Sociale: Njohuri mbi përdorimin e rrjeteve sociale, kohën e kaluar në secilën platformë, rrjetet më të përdorura dhe nivelin e angazhimit të audiencës, për një qasje të personalizuar.
• Profili i përdorimit të telefonëve të mençur:Analizë mbi sjelljen e audiencës me telefonë të mençur për optimizimin e kanaleve të komunikimit, frekuencën e përdorimit dhe preferencat për pajisje.
• Profili i sjelljes së konsumatorit dhe profili i personalitetit:Njohuri mbi zakonet e blerjes, besnikërinë ndaj markës, preferencat për produktet lokale dhe vlerat kyçe të jetës, për të përmirësuar ndërveprimin me klientët dhe për të rritur rritjen.

Zgjidhni shërbimin që ju nevojitet:

• Raporte të Gatshme: Raporte periodike për grupe të caktuara target, si p.sh. profili i Gjeneratës Z.
• Raporte bazuar në të dhëna ekzistuese:: Qasje e shpejtë në raporte të përshtatura nga të dhënat e Valicon Insight Platform.
• Identifikimi Ad Hoc: Pyetësorë të personalizuar për targete specifike që nuk mbulohen nga të dhënat ekzistuese, me implementim të shpejtë.
• Shtesë për hulumtimin tuaj: Integroni modulet e VIP me hulumtimet tuaja aktuale për të pasuruar rezultatet.
• Segmentim tregu:Përdorni të dhënat e VIP për segmentim të detajuar të tregut, në mënyrë të pavarur ose të kombinuar me produkte të tjera Valicon.

Optimizoni fushatat, mesazhet dhe strategjitë tuaja të marketingut me profilet e Valicon Insight Platform, duke i përshtatur ato me nevojat dhe preferencat e audiencës suaj.

Jo vetëm targetim – por kuptoni, angazhoni dhe mbani efektivisht klientët tuaj.

Segmentimi i konsumatorëve është themeli për të kuptuar vërtet klientët tuaj dhe nevojat e tyre. Ai konsiston në ndarjen e një tregu të gjerë në grupe më të vogla e më homogjene. Kjo na lejon të kuptojmë më mirë secilin grup, të identifikojmë nevojat, zakonet dhe motivimet e tyre, dhe në përputhje me to, të përshtatim produktet, shërbimet dhe aktivitetet e marketingut.
Në Valicon, besojmë se segmentimi i suksesshëm është një proces strategjik që fillon dhe përfundon brenda kompanisë suaj dhe duhet të jetë i përshtatur me strukturën organizative. Për ta bërë segmentimin me vlerë reale, së pari përcaktojmë së bashku objektivat, fushën dhe variablat që do të vëzhgohen, si dhe analizojmë të dhënat ekzistuese.

Ne përdorim një gamë të gjerë qasjesh të segmentimit, të cilat i përshtatim sipas klientëve tanë dhe sfidave të tyre specifike:

• Bazuar në vlerë: sipas vlerës monetare të klientit.
  
• Bazuar në sjellje:sipas madhësisë dhe gamës së portofolit të klientit.
• Bazuar në prirje: bazuar në probabilitetin e shitjes së kryqëzuar dhe shitjes shtesë.
• Bazuar në besnikëri:  sipas shkallës së besnikërisë ndaj markës. 
• Sociodemografike dhe faza jetësore:  sipas fazës së jetës së konsumatorit.
• Bazuar në nevoja/qëndrime: segmente të identifikuara sipas nevojave të konsumatorit.

Ndërsa secili prej llojeve të segmentimit të mësipërm i shërben qëllimit të tij, në Valicon, ne e ndërtojmë segmentimin tonë mbi një model hibrid - një qasje që kombinon dhe integron këto metoda të përcaktuara. Ne e kuptojmë që segmentimi nuk është një qëllim në vetvete, por një mjet strategjik për arritjen e qëllimeve tuaja konkrete të biznesit. Ne ju ndihmojmë të shndërroni të dhënat në njohuri dhe strategji të zbatueshme që funksionojnë.

Imagjinoni të keni një mjet matës të reputacionit që ju tregon se si ndihen realisht konsumatorët për markën tuaj dhe ju jep informacionet e nevojshme për të forcuar imazhin e kompanisë dhe për t’u dalluar në industri.

Reputacioni i korporatës e bën pikërisht këtë. Ne analizojmë nga afër se si kompanitë kryesore në secilin treg performojnë në aspektin emocional dhe racional të reputacionit. Emocionet janë në zemër të mënyrës se si njerëzit e perceptojnë një kompani, ndërsa ana racionale përfshin faktorët që një kompani mund t’i kontrollojë, si praktikat e biznesit.

Ne e përshtasim këtë qasje sipas tregut, duke siguruar që të bëhen pyetjet e duhura dhe të hapura për të marrë një pamje të plotë. Kërkimi ynë i përbashkët mbulon të gjithë lojtarët kryesorë të tregut, duke ju lejuar të matni performancën krahasuar me ta. 
Përfshihen edhe disa nga kompanitë e huaja më të njohura, për të krijuar një panoramë të plotë të pozicionit tuaj. Ky hulumtim kryhet vazhdimisht prej disa vitesh, duke ju mundësuar të ndiqni performancën tuaj dhe të bëni krahasime me konkurrentët.

Çfarë mund të prisni:

• Vështrime emocionale dhe racionale:: Kuptoni si ndihen njerëzit për markën tuaj dhe çfarë mendojnë për veprimet tuaja.
• Krahasimi konkurrues:: Zbuloni çfarë ju dallon në industri dhe cilat janë fushat kyçe për përmirësim.
• Monitorim i vazhdueshëm: Një hulumtim shumëvjeçar që ju mundëson të ndiqni performancën tuaj dhe krahasimet me konkurrentët me kalimin e kohës.

Modeli ynë 360° Feedback është një zgjidhje thelbësore për zhvillimin dhe planifikimin efikas të punonjësve.

Ai ju ofron një pasqyrë vjetore mbi kompetencat e punonjësve, duke nxjerrë në pah pikat e forta dhe fushat që kërkojnë përmirësim në 7 dimensione kyçe. Kjo krijon bazën e qartë për vlerësime vjetore dhe i jep menaxherëve informatat e nevojshme për të planifikuar trajnime shtesë, duke siguruar që çdo anëtar i ekipit të jetë i pajisur për sukses.

E njëjta kornizë përdoret për të gjithë punonjësit, duke mundësuar vlerësime kolegiale dhe feedback gjithëpërfshirës nga të gjitha nivelet – nga kolegët, te menaxherët dhe vartësit.

Me Modelin 360°, ju fitoni një qasje holistike ndaj zhvillimit të punonjësve, që sjell sukses si nga perspektiva e individit, ashtu edhe e kompanisë, duke nxitur mirëkuptim dhe rritje reciproke.

Çfarë mund të prisni:

• Informacione të detajuara mbi kompetencat individuale të punonjësve dhe fushat që kërkojnë përmirësim, si bazë për trajnime dhe udhëzimeve të synuara.
•  Një pasqyrë shumëdimensionale të performancës së përgjithshme të kompanisë, e mbledhur nga perspektiva të ndryshme.  
• Analizë e zbatueshme që identifikon ndryshimet organizative të nevojshme për sukses.
• Identifikim i qartë i kompetencave thelbësore për individët dhe ekipet.